መነሻ

ፍቅር ለሕፃናትና ለእናቶች የበጎ አድራጎት ድርጅት የተመሠረተዉ በኢትጵያ ዘመን አቆጣጠር በጥቅምት 16 2007 ዓ.ም ሲሆን ህጋዊነቱን የያዘዉና በበጎ አድራጎት ድርጅቶችና ማህበራት ኤጀንሲ ተመዝግቦ ፈቃድ ያገኘዉ በየካቲት 16 2007 ዓ.ም ነዉ፡፡ የበጎ አድራጎቱን እየሰራ ያለዉ በሁለት የማህበረሰብ ክፍል ሲሆን ይኸዉም በሴቶችና በህፃናት ላይ ያተኮረ ነዉ፡፡የድርጅታችን አላማም በችግር ምክንያት ተገፍተዉ በየጎዳናዉ ከነልጆቻቸዉ ወድቀዉ የነበሩትን እናቶችና ህፃናትና ከጎዳና አንስተን እንደ ማንኛዉም ሰዉ መሰረታዊ ፍላጎታቸዉ ተሟልቶላቸዉ እንዲኖር ማድረግ ነዉ፡፡

የድርጅቱ አጠቃላይ ግብ

ለአደጋ ተጋላጭ የሆኑ ሴቶችንና ህፃናትን አኗኗር ለማሻሻል አስተዋፅዖ ማድረግ ነው ፡፡ በልጆች አገልግሎት ላይ የተመጣጠነ ምግብ ፣ ጤና ፣ አልባሳት ፣ መሰረታዊ ትምህርት እና የተለያዩ የህፃናትን ክህሎት በእውቀት ማዳበር ነው፡፡ የሴቶች አገልግሎት ላይ ፣ የተለያዩ ዓይነት የሕይወት ክህሎት ሥልጠና በመስጠት ፣ የሥነ-ልቦና ድጋፍ ፣ የገቢ ማስገኛ ሥራዎችን እና የገንዘብ አቅርቦት በመስጠት ይደግፋል፡፡

የድርጅታችን አጭር የህይወት ታሪክ

Testimony

ፋንታዬ

ፋንታዬ እዘዘው ትባላለች:  የመጣችው ከአማራ ክልል ሲሆን ቤተሰቦቿም ከእጅ ወደ አፍ ኑሮ የሚኖሩ ድሃ ገበሬዎች ናቸው ፡፡  ፋንታዬ በቀን ሰራተኛነት ወይም  የቤት ሰራተኛነት ተቀጥራ በምታገኘው ገቢ  ህይወቷን ቀይራ ቤተሰቧን ለመርዳት ተስፋ በማድረግ አዲስ አበባ ገባች ፡፡ ከዚያ በመጀመሪያ የቀናት እና ያገኘችው የቤት ሠራተኝነቱ ነበር፡፡ የቤት ሰራተኛ ሆና መሥራት ጀመረች ፡፡ ትንሽ ጊዜ እንደሠራች ይበልጥ ገቢዎን ለመጨመር አስባ የተሻለ ነው ወዳለችው የቀን ሥራ ገብታ ተቀጥራ መሥራት ቀጠለች፡፡

ስመኝ

ስመኝ በላይ ትባላለች፡- የመጣችው ከአማራ ክልል ሲሆን የተወለደችውም ከድሃ ቤተሰብ ነው ፡፡ ስመኝ ህይወቷን ቀይራ ቤተሰቧን ለመርዳት አስባ በጉልበት ሥራ ወይም በቤት ሰራተኛነት  ሥራ ለመቀጠርና ገቢ ለማግኘት ተስፋ በማድረግ አዲስ አበባ ገባች፡፡ ከዚያ መጀመሪያ የቤት ሰራተኛ ሆና መሥራት ጀመረች ፡፡ በዚያን ጊዜ ነበር ከበእምነት አባት ጋር ግንኙነት ጀመረች፡፡ የመጀመሪያ ልጇን ህፃን በእምነትን ወልዳ ከ7 ዓመታት በኋላ ደግሞ  ሁለተኛ ልጇን ፀነሰች፡፡

 ወርቄ

ተወልዳ ያደገችው  እንጅባራ ወረዳ ገበሬ ማህበር ሲሆን የተወለደችውም ከድሃ ቤተሰብ ነው፡፡ ወደ አዲስ አበባ የመጣችው ህይወቷን ቀይራ ቤተሰቧን ለመርዳት አስባ በጉልበት ሥራ ወይም በቤት ሰራተኛነት  ሥራ ለመቀጠርና ገቢ ለማግኘት ተስፋ በማድረግ ነው፡፡ ከዚያ መጀመሪያ የቤት ሰራተኛ ሆና መሥራት ጀመረች ፡፡ ከዚ,ያም ባገኘችው የተሻለ ዕድል የሆቴል ቤት ጽዳት መሥራት ቀጠለች በዚያም ቆይታዋ የምግብ አብሳይ  ረዳት ሆና መሥራት ቀጠለች ደመወዟም በመጠኑ አደገላት ተስፋዋ እየጨመረ ሄደ፡፡